Canon បានប្រកាសចេញ EOS R50 V សម្រាប់តម្លៃខ្ទង់ $649.99 ឡើងទៅ
ម៉ាស៊ីនថតជំនាន់ក្រោយ បន្ទាប់ពី Canon EOS R50 គឺទទួលបានតួខ្លួនកែប្រែថ្មីប្លែក ជាមួយនឹងសមត្ថភាពថតវីដេអូប្រសើរជាងមុន ថែមទៀតមានតម្លៃធូរថ្លៃជាងមុនបន្ដិចផងដែរ។
សម្រាប់ម៉ូឌែលថ្មីនេះ Canon ហៅថា EOS R50 V ដោយលែងមានបំពាក់ electronic viewfinder ទៀតហើយ ប៉ុន្ដែបានដំឡើង frame rate ដល់ 60FPS នៅពេលថតវីដេអូ 4K ស្របនឹងពេលដែលជំនាន់មុនអាចថតបាន 4K ត្រឹម 30FPS ប៉ុណ្ណោះ។
សេនស័រកាមេរ៉ា 24.2MP APS-C CMOS ដូចជំនាន់ដើមដដែល ដោយប្រើប្រាស់ប្រព័ន្ធ Dual Pixel AF II សម្រាប់ការចាប់ផ្ដិតយកវត្ថុ ដូចឃើញមាននៅលើម៉ូឌែល EOS R6 Mark II និង PowerShot V1 អ៊ីចឹង។ មុខងារជំនួយទប់លំនឹងបន្ថែមក៏ត្រូវបានដាក់បញ្ចូលនៅលើ EOS R50 V ថ្មីនេះ ក៏ដូចជាមុខងារថតវីដេអូថ្មី ដែលអនុញ្ញាតឲ្យកំណត់ Shutters ឲ្យលឿនឬយឺត ទៅតាមស្ថានភាពជាក់ស្ដែង។
Canon EOS R50 V ចាប់ផ្ដើមដាក់លក់នៅសហរដ្ឋអាមេរិក ពីអំឡុងខែមេសា 2025 ខាងមុខនេះតទៅ នៅក្នុងតម្លៃខ្ទង់ $649.99 សម្រាប់តែតួខ្លួនប៉ុណ្ណោះ ប្រសិនបើបូកបន្ថែមជាមួយលេនថ្មីទៀត RF-S14-30mm F4-6.3 មានមុខងារទប់លំនឹង OIS និងមុខងារពង្រីក Zoom ចេញចូលបានរលូន គឺមានតម្លៃសរុប $849.99 ផងដែរ។
អត្ថបទពេញនិយម
ទូរសព្ទដំណឹងផ្លូវការ One UI 7 ចាប់ផ្ដើមបញ្ចេញឲ្យអ្នកប្រើប្រាស់នៅក្នុងខែមេសា 2025
ទូរសព្ទសម្រាប់ខួបលើកទី 20 របស់ iPhone ខាងមុខនេះ Apple បែបចង់ផ្លាស់ប្ដូរម៉ូតឌីហ្សាញថ្មីទាំងស្រុងម្ដងទៀត
កម្មវិធី-ហ្គេមApple គ្រោងនឹងផ្លាស់ប្ដូរម៉ូតឌីហ្សាញថ្មីប្លែកនៅលើ iOS, iPadOS និង macOS ជំនាន់ក្រោយ
ទូរសព្ទថ្ងៃទី 10 មេសា 2025 ផលិតផលថ្មីៗជាច្រើនរបស់ OPPO នឹងប្រកាសចេញផ្លូវការក្នុងប្រទេសចិន
វីដេអូ
ហេតុអ្វីបានជា Nintendo Switch 2 ថ្លៃជាងមុនច្រើនដល់ 449$? ហ្គេម 79$?
ពេលចេះបង្កើតរូបភាព AI បែបនេះហើយ ក៏កុំភ្លេចគាំទ្រសិល្បករដើមខំបង្កើតផង #CamboReport #StudioGhibli #AI
តាមពិតទៅ ពេលយើងផ្លុំចូលកាសែតហ្គេម នឹងឆាប់ធ្វើឲ្យខូចទៅវិញទេ
មូលហេតុដែលយើងគួររំភើបជាមួយ Nintendo Switch 2
