ជិតដល់ពេលដែល iPhone 16 series ត្រូវប្រកាសចេញជាផ្លូវការមែនទែនហើយ ដោយធ្វើឡើងនៅក្នុងថ្ងៃទី 10 កញ្ញា 2024 រវលាម៉ោង 12AM ឬត្រូវនឹងពាក់កណ្ដាលយប់ថ្ងៃទី 9 កញ្ញា 2024 នេះសម្រាប់ប្រទេសកម្ពុជាយើង។

ប្រិយមិត្តអ្នកអានទាំងអស់ នឹងអាចចូលរួមទស្សនាការផ្សាយបន្ដផ្ទាល់តាមអនឡាញបាន នៅលើគេហទំព័រផ្លូវការរបស់ Apple ឬនៅលើឆានែលយូធូបផ្លូវការរបស់ Apple តែម្ដង។

ក្រៅពីការប្រកាសចេញ iPhone 16 series ហើយ Apple ក៏គ្រោងនឹងអាចប្រកាសចេញ Apple Watch Series 10 ក៏ដូចជាការផ្ដោតសំខាន់ទៅលើ iOS 18, មុខងារ AI និងបន្ទះឈីប A18/A18 Pro ផងដែរ។

ដំណឹងលេចធ្លាយចុងក្រោយថ្មីៗនេះ ក៏បានចែករំលែកមកថា Apple បានពន្យាពេលការប្រកាសចេញ iPad mini ស៊េរីថ្មី និង Mac mini/iMac/MacBook Pro ស៊េរីថ្មីៗវិញហើយ ដោយត្រៀមនឹងប្រកាសចេញនៅក្នុងព្រឹត្តិការណ៍ផ្សេងមួយទៀត ទំនងជាធ្វើនៅអំឡុងខែតុលា 2024 ខាងមុខនេះ។