Google Pixel 8a ត្រូវបានរំពឹងថានឹងមានតម្លៃខ្ពស់ជាងជំនាន់មុនច្រើនគួរឲ្យកត់សម្គាល់

ដោយ៖ |ថ្ងៃទី 07 ខែ មីនា ឆ្នាំ 2024 | 10:32 AM1 ឆ្នាំមុន

ដូចប្រិយមិត្តភាគច្រើន បានដឹងរួចមកហើយថាស្មាតហ្វូនត្រកូល Pixel កន្ទុយ a Series ចេញពីក្រុមហ៊ុនបច្ចេកវិទ្យាយក្ស Google គឺជាស្មាតហ្វូនកម្រិតកណ្តាល Mid-range និងជាទូទៅមានតម្លៃសមរម្យអាចទទួលយកបានផងដែរ។ ដោយឡែក ទៅលើស្មាតហ្វូនម៉ូឌែល Pixel 8a ជំនាន់ក្រោយនេះត្រូវបានគេរាយការណ៍មកថានឹងមានតម្លៃខ្ពស់ជាងជំនាន់មុនៗច្រើន មិនធ្លាប់មាននៅលើ Pixel a Series នោះឡើយ។

ជាក់ស្តែង បើយោងតាមប្រភពរបាយការណ៍ល្បីឈ្មោះចេញពី WinFuture បានទម្លាយឲ្យដឹងថា Pixel 8a នឹងមានតម្លៃចាប់ផ្តើមពី $619 ឡើងទៅ ខណៈ Pixel 7a មានតម្លៃចាប់ពី $499 កាលពីប្រកាសចេញដំបូង។ ស្របគ្នានេះ វាក៏នឹងទទួលបានជម្រើសអង្គផ្ទុកទិន្នន័យដល់ទំហំ 256GB ជាលើកដំបូង។ យ៉ាងណាទៅលើ RAM វិញទំនងជានឹងមិនមានជម្រើសលើសពី 8GB នោះឡើយ។

អ៊ីចឹងយើងអាចសន្និដ្ឋានបានថា Pixel 8a នឹងភ្ជាប់មកជាមួយជម្រើសម៉ាស៊ីន RAM 8GB + Storage 128GB/1256GB។ លើសពីនេះ Pixel 8a ក៏នឹងមានភាគរយច្រើនក្នុងការដំណើរការនៅលើឈីបកំពូល Google Tensor G3 ដូចមាននៅលើស៊េរីកំពូល Pixel 8/Pro ផងដែរ។

បន្ថែមពីនេះ នៅក្នុងរបាយការណ៍ខាងលើក៏បានបន្តទៀតថា Pixel 8a នឹងមាន៖ ជម្រើសពណ៌យ៉ាងហោចណាស់ចំនួន 4, អេក្រង់ទំហំធំជាងមុនដល់ 6,3”, ប្រព័ន្ធកាមេរ៉ាខាងក្រោយ 2 គ្រាប់, បង្ហាញខ្លួនជាផ្លូវការនៅអំឡុងខែមេសា ឬឈានដល់ជិតពាក់កណ្តាលខែឧសភា ឆាប់ៗខាងមុខនេះដូចជំនាន់មុនដែរ។

ប្រភព៖ ឺWinFuture + OnLeaks

អត្ថបទពេញនិយម