Sony ប្រកាសចេញម៉ូនីទ័រស៊េរីថ្មីៗត្រកូល InZone សម្រាប់អ្នកលេងហ្គេមនៅលើ PS5 និង PC
ដោយ​ ៖ ឡេង | មួយខែមុន SHARE

 

នាពេលថ្មីៗនេះកន្លងទៅនេះ Sony បានប្រកាសចេញម៉ូនីទ័រស៊េរីថ្មីៗ រួមជាមួយនឹងកាសក្ដោបត្រចៀកស៊េរីថ្មីៗ ដែលស្ថិតនៅក្នុងប្រភេទ Gaming តែម្ដង។ ពួកវាត្រូវជាម៉ូនីទ័រ InZone M9 និង InZone M3 ក៏ដូចជាកាសក្ដោបត្រចៀក InZone H9, H7 និង H3 ផងដែរ។

ពិតមែនហើយ នេះគឺជាផលិតផលត្រកូលថ្មីរបស់ Sony សម្រាប់បំពេញតម្រូវការរបស់អ្នកលេងហ្គេម នៅលើម៉ាស៊ីនហ្គេម PS5, Xbox Series X|S ក៏ដូចជា PC ជាពិសេស។ ចំពោះម៉ូនីទ័រទាំង 2 នេះ គឺមានរន្ធតំណរភ្ចាប់ច្រើនមែនទែន ដោយរួមមានដូចជា រន្ធ DisplayPort, USB-C (DisplayPort), HDMI 2.1 (ចំនួន 2) និង USB A (ចំនួន 3) ជាដើម។

លក្ខណៈសម្បត្តិ SONY InZone M9 ($899)

- 27” IPS 4K Resolution

- Refresh Rate 144Hz

- 1ms Response Time

- VRR (Variable Refresh Rate)

- DisplayHDR 600 DCI-P3 > 95%

លក្ខណៈសម្បត្តិ SONY InZone M3 ($529)

- 27” IPS Full HD Resolution

- Refresh Rate 240Hz

- 1ms Response Time

- VRR (Variable Refresh Rate)

- DisplayHDR 400 sRGB 99%

ចំណែកឯកាសក្ដោបត្រចៀកស៊េរីថ្មីៗវិញ InZone H9 គឺជាម៉ូឌែលកំពូល ជាមួយតម្លៃខ្ទង់ $299 អាចតភ្ជាប់ដោយប្រើប្រាស់ឌុយ Wireless 2.4GHz ក៏បាន ឬក៏តាមរយៈ Bluetooth ក៏បានដូចគ្នា។ Sony និយាយប្រាប់ឲ្យដឹងថា វាអាចកាន់ថ្មបានដល់ទៅខ្ទង់ 32 ម៉ោង និងមានបច្ចេកវិទ្យាកាត់បន្ថយសំឡេងរំខាន ប្រភេទឌីជីថលមកស្រាប់។ លើសពីនេះ វាក៏មានស្បែកទន់ល្អជាងគេ ងាយស្រួលពាក់ជាប់ត្រចៀក ជាមួយការគាំទ្រកម្មវិធី InZone ដើម្បីប្រើប្រាស់មុខងារ 360 Spatial Sound ឬកំណត់សំឡេងតាមចំណង់ចំណូលចិត្តបាន។

បើម៉ូឌែល H7 គឺមានតម្លៃខ្ទង់ $229 ដូចគ្នា ជាមួយថាមពលថ្មអាចកាន់បានដល់ 40 ម៉ោង, តភ្ជាប់តាម Wireless ឬ Bluetooth និងមានគាំទ្រកម្មវិធី InZone ប៉ុន្ដែមិនមានមុខងារកាត់បន្ថយសំឡេងរំខាន និងមានស្បែកធម្មតា។

ចុងក្រោយគេជាម៉ូឌែល H3 តម្លៃ $99 វាជាកាសខ្សែធម្មតា ជាមួយការតភ្ជាប់តាមរយៈរន្ធ 3.5mm ឬក៏រន្ធ USB Adapter ដោយមិនមានមុខងារពិសេសៗនោះទេ។

សម្រាប់ព័ត៌មានលម្អិតបន្ថែមទៀត អាចចូលទៅកាន់វេបសាយផ្លូវការរបស់ Sony ដោយចុចលើតំណរភ្ជាប់ខាងក្រោមនេះ។

SONY InZone

ប្រភព ៖ SONY
អត្ថបទទាក់ទង