ទស្សនាទិដ្ឋភាពខាងក្នុងរបស់ហាង Apple Central World ថ្មី បានបើកនៅប្រទេសថៃថ្ងៃនេះ​
ដោយ​ ៖ ឡេង | 1 សប្តាហ៍មុន SHARE

 

ហាងរបស់ Apple ថ្មីមួយទៀត បានបើកជាផ្លូវការ នៅកណ្ដាលទីក្រុងបាងកក ប្រទេសថៃ ក្នុងថ្ងៃទី 31 ខែកក្កដា ឆ្នាំ 2020 នេះហើយ ដោយវាមានការរចនាបថឡើងមកយ៉ាងប្រណិត មើលទៅគួរឲ្យទាក់ទាញមែនទែន។ ហាក់បីដូចជាហាង Apple Store ដទៃទៀតដែរ នោះគឺថាភាគច្រើនសុទ្ធតែជាកញ្ចក់តែម្ដង ទើបងាយស្រួលឲ្យអ្នកដើរកាត់ អាចមើលឃើញខាងក្នុងបានផងដែរ។ អញ្ចឹង ប្រិយមិត្តទាំងអស់គ្នា អាចអូសចុះទៅខាងក្រោមអត្ថបទ ដើម្បីទទួលបានរូបភាពដាក់បង្ហាញពី ផ្នែកខាងក្នុងរបស់ហាង Apple Central World (ឈ្មោះហៅជាផ្លូវការ) ដែលមានចំនួន 1 ជាន់នេះ។

នេះជាហាងសាខាទី 2 របស់ Apple នៅប្រទេសថៃ បន្ទាប់ពីបានបើកនៅឯផ្សារទំនើប ICONSIAM កាលពីអំឡុងខែវិច្ឆិកា ឆ្នាំ 2018 កន្លងទៅនេះ ដោយហាងថ្មីមួយនេះ មានរាងជារង្វង់ និងមានជណ្តើរចំកណ្ដាល សម្រាប់ឡើងទៅកាន់ជាន់លើ។ 

ជាន់ខាងលើនេះ គឺមានការរចនាបថដូចគ្នាដដែល ហើយមានបំពាក់នូវអេក្រង់ដ៏ធំមួយ ក៏ដូចជាតុបន្ថែមទៀត សម្រាប់ដាក់បង្ហាញពីផលិតផលផ្សេងៗរបស់ Apple ផ្ទាល់តែម្ដង។

ហាង Apple Central World ជាសាខាទី 2 នៅប្រទេសថៃ និងជាសាខាទី 511 នៅជុំវិញពិភពលោក ចំពោះក្រុមហ៊ុន Apple ដោយមានក្រុមការងារសរុបរហូតដល់ទៅ 130 ក្រុម ហើយបូកបញ្ចូលគ្នា គឺអាចនិយាយបានចំនួន 17 ភាសា ដើម្បីបម្រើសេវាកម្មជូនអតិថិជនរបស់ខ្លួន។

ដោយ​ ៖ Apple
អត្ថបទទាក់ទង