ទំព័រដើម    >    ពិពណ៌នា    >    លក្ខណៈសម្បត្តិ​របស់ Meizu M5!

លក្ខណៈសម្បត្តិ​របស់ Meizu M5!

តាមដានព័ត៌មានផ្សេងៗពី​​ Cambo Report

អ្នកទាំងអស់គ្នា អាច​ស្វែង ​រ​ក​ជាវ​ ស្មាត​​​​​ហ្វូន Meizu M5 នេះ​​​​យក​ ទៅ​​​​ប្រើ​​ប្រាស់ ​បាន​​​​នៅ​​​​​ក្នុង​​​​​តម្លៃ ត្រឹ​ម​​តែ 100 ដុល្លារជាង តែ​ប៉ុណ្ណោះ។

Meizu M5 គឺជាស្មាតហ្វូន ម៉ូឌែល​ថ្មី ដែល​ទើប​នឹង​ចេញ​ក្តៅៗ របស់​ក្រុម​ហ៊ុន Meizu ដោយ​បាន​ប្រកាស​ជា​ផ្លូវការ ក្នុងកំឡុងខែ​ តុលា និង​បាន​បញ្ចេញ​លក់ នៅកំឡុងខែ វិច្ឆិកានេះ។ វាគឺស្មាតហ្វូន ធុនមធ្យមមួយ ដែល​មាន​តម្លៃ មិនដល់ 200$ នោះទេ ហើយសមត្ថភាព នៃកម្លាំងម៉ាស៊ីនរបស់វា អាចអោយ ការប្រើប្រាស់ របស់យើង បានរលូន មិនរអាក់រអួលឡើយ។ បន្ថែមពីនេះ វាក៏បានភ្ជាប់ មកជាមួយនឹង លក្ខណៈសម្បត្តិ និងលក្ខណៈពិសេស មួយចំនួនទៀត មកជាមួយ ផងដែរ ហើយបើចង់ដឹងថាតើ មានអ្វីខ្លះនោះ សូមតាម​ដាន ជាមួយខ្ញុំទាំងអស់គ្នា!

cover

រចនាបថ

បើមើលទៅលើ រូបរាងពីខាងលើ របស់ស្មាតហ្វូននេះ អាចអោយយើង យល់ច្រលំមួយភ្លែត បានថាជា OnePlus 3 ឬ iPhone 6s Plus។ ចំពោះសន្ទះខាងក្រោយវិញ ត្រូវបាន ស្រោបឡើងពី ប្រភេទជ័របន្លំជា លោហៈធាតុ បើមើលមួយភ្លែត អាចច្រលំបាន។ នៅផ្នែកខាងស្តាំ យើងឃើញមាន ប៊ូតុងសម្លេង ពីលើ​ប៊ូតុង បិទបើក។ ផ្នែកខាងក្រោមមាន រន្ធដោតកាស, Mic, Speaker, និងរន្ធ USB។ ផ្នែកខាងឆ្វេងមាន រន្ធ​សម្រាប់ដាក់ស៊ីមកាត ដែលអាចផ្ទុកស៊ីម បានចំនួន ២។

1

អេក្រង់

Meizu M5 មានអេក្រង់ទំហំ 5.2 អ៊ីញ ជាប្រភេទ IPS LCD អាចបង្ហាញរូបភាព បានក្នុងកម្រិត HD 720 x 1080 ភិចសែល និងមានដង់ស៊ីតេអេក្រង់ 282ppi។ សមត្ថភាពអេក្រង់ របស់ស្មាតហ្វូននេះ អាច​បង្ហាញ​រូបភាព​ បានធំទូលាយល្មម មិនធំពេក មិនតូចពេក ឯពណ៌នៃរូបភាព ដែលបញ្ចេញមក ក៏ច្បាស់ល្អ អាច​ទទួល​យកបាន។

2

ប្រព័ន្ធប្រតិបត្តិការ

ស្មាតហ្វូននេះ បានបំពាក់មកជាមួយ បន្ទះឈីប MediaTek លេខ MT6750 ដែលមានស៊ីភីយូ ជាប្រភេទ Octa-core រត់បានល្បឿន 1.5GHz និងមានបន្ទះឈីប ក្រាហ្វិកជាប្រភេទ Mali-T860MP2។ Ram របស់​វាមាន ២ ជម្រើស ដោយ១មានទំហំ 2GB ភ្ជាប់ជាមួយនឹង អង្គផ្ទុកទិន្នន័យ 16GB និង១ទៀត មាន​ទំហំ 3GB ភ្ជាប់ជាមួយនឹង អង្គផ្ទុកទិន្នន័យ 32GB។ ចំពោះកម្លាំងម៉ាស៊ីន ប៉ុណ្ណេះអាច ដំណើរការហ្គេម ឬ​កម្មវិធីធំៗ មួយចំនួន បានរលូន ដូចទៅនឹង ម៉ូឌែល Meizu U10 ដែរ។

3

វាដំណើការដោយ ប្រព័ន្ធប្រតិបត្តិការ Android Lollipop 5.1 ស្រោបដោយ ផ្ទៃអ៊ីនធើហ្វេស Flyme UI 5.5 និងមានថាមពលថ្មសរុបទំហំ 3070 mAh មិនអាចដោះចេញបាននោះទេ។

កាមេរ៉ា

M5 មានកាមេរ៉ា ខាងក្រោយទំហំ 13 មេហ្គាភិចសែល មានកម្រិត Aperture ទំហំ 2.2 អមដោយភ្លើងភ្លោះ ជំនួយ​២គ្រាប់ សម្រាប់ជំនួយពន្លឺ នៅពេលងងឹត។ នៅក្នុងមួយរូប វាស៊ីចន្លោះពី 3 ទៅ 4MB ដែល​មាន​ទំហំ​ភិចសែល 3120 x 4160។ សម្រាប់ការថតវីដេអូវិញ វាអាចថតបានក្នុងកម្រិត FHD ល្បឿន 30fps។

4

វាមានកាមេរ៉ាខាងមុខ ទំហំ 5 មេហ្គាភិចសែល មានកម្រិត Aperture ធំជាងខាងក្រោយ ទំហំ 2.0 អាច​ថត​ស៊ែលហ្វី បានច្បាស់គួរសម អាចទទួលយកបាន។

ចំណាប់អារម្មណ៍

ក្រោយពីបាន ធ្វើតេស្តសាកល្បង ប្រើប្រាស់មួយរយៈមក ខ្ញុំយល់ថា ស្មាតហ្វូននេះ អាចបំពេញតម្រូវការ ប្រើ​ប្រាស់ទូទៅ ប្រចាំថ្ងៃរបស់ខ្ញុំ បានច្រើន ទាំងការខលចេញចូល ប្រើប្រាស់កម្មវិធី លេងអ៊ីនធើណេត អាច​កាន់ថ្មបានយូរ ជាពិសេសនោះ គឺទ្រនាប់ស្គេនម្រាមដៃ ដ៏លឿន។ ក៏ប៉ុន្តែទាស់រឿង មួយចំនួនប៉ុណ្ណោះ ដោយវា មិនមានបច្ចេកវិទ្យាសាកថ្មលឿន, មិនមានបច្ចេកវិទ្យា បញ្ជាគ្រឿងអេឡិចត្រូនិច។ ទោះជា​យ៉ាង​ណា​ក៏​ដោយ វាសាកសមហើយ សម្រាប់តម្លៃក្រោម 200$ នេះ។

***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបានវីដេអូថ្មីៗ!!!

subscribe1

  • ដោយ: Mai
  • 4:34 PM, 11 November
  • ប្រភព: ខេម​បូរីផត
  • Tag: ពិពណ៌នា