CAMBO REPORT

Popup Advertising5 seconds

MSI​ GS75​ Stealth​ កុំព្យូទ័រ​យួរ​ដៃ​ស៊េរីថ្មី​ បង្កើត​មក​ដើម្បី​បំពេញ​តម្រូវការ​អ្នក​លេង​ហ្គេម​សព្វថ្ងៃ

តាមដានព័ត៌មានផ្សេងៗពី CAMBO REPORT

 

ថ្មីៗនេះ ក្រុមហ៊ុន MSI បានបញ្ចេញនូវ MSI GS75 Stealth (9SE-9SF-9SG) ដែលជាកុំព្យូទ័រស៊េរីថ្មីមួយ មានរូបរាងស្រស់ស្អាត រំលេចអមទឹកមាស ទាក់ទាញខ្លាំង និងសមត្ថភាពខ្លាំង សម្រាប់ការលេងហ្គេម។ MSI GS75 Stealth ប្រើប្រាស់នូវបន្ទះឈីប Intel® Core™ i7 processor ជំនាន់ទី 8 និងមានភ្ជាប់នូវក្រាហ្វិកកាត NVIDIA GeForce® RTX 2080 Max-Q, RTX 2070 Max-Q និង RTX 2060 ប្រភេទ GDDR6 ( ព្រមទាំងដំណើរការដោយប្រព័ន្ធប្រតិបត្តិការ Windows 10 Home)។

 

 

MSI GS75 Stealth បំពាក់នូវអេក្រង់ប្រភេទ IPS-Level Gaming Panel ទំហំធំរហូតដល់ 17 អ៊ីញបង្ហាញរូបភាពក្នុងកម្រិត Full HD 1080p និងមានកម្រិត Refresh Rate 144Hz អាចលេងហ្គេមក្រាហ្វិចធំៗ បានយ៉ាងរលូនមិនទាក់ឡើយ។ បន្ថែមពីនេះ អេក្រង់របស់ MSI GS75 Stealth គឺមានគែមស្តើងត្រឹម 5.2mm ផ្តល់ភាពងាយស្រួលក្នុងការទស្សនា ពិតជាជក់ចិត្តដិតអារម្មណ៍ មែនទែនក្នុងការប្រើប្រាស់ ជាមួយផ្ទៃលាត 85%។ អ្វីដែលកាន់តែអស្ចារ្យជាងនេះ ទៀតនោះ កុំព្យូទ័រនេះ គឺមានភ្ជាប់ជាមួយ នឹងក្តារចុច PER-KEY RGB GAMING KEYBOARD របស់ STEELSERIES ដែលនឹងផ្តល់អោយអ្នក ប្រើប្រាស់ចូលចិត្ត និងរីករាយកាន់តែខ្លាំងជាមួយ នឹងការលេងហ្គេម ដោយសារតែគ្រាប់ Keys នេះ មានភ្ជាប់ជាមួយនឹងភ្លើង Lighting ល្អបំផុតសម្រាប់ការលេងហ្គេម ចំណែកដុំសាកវិញ មានរូបរាងតូចជាងមុន 38% ទៀតផង។

 

 

សម្រាប់កុំព្យូទ័រលេងហ្គេមស៊េរីថ្មីនេះ ក៏មានភ្ជាប់ជាមួយនឹងអេក្រង់ MATRIX DISPLAY សម្រាប់ធ្វើការទ្រទ្រង់ ទៅលើមុខងារ MULTI-TASK ដែលអាចប្រើប្រាស់បាន 3 ម៉ូនីទ័រតាមរយៈរន្ធដោត HDMI និង mini DisplayPort ដែលផ្តល់ជូនការទស្សនា បានដល់ទៅកម្រិត 4K@60Hz ដែលផ្តល់នូវភាព រីករាយកាន់តែ អស្ចារ្យថែមទៀតផង។ បន្ថែមពីនេះទៀតនោះ ដើម្បីអោយម៉ាស៊ីននេះត្រជាក់នោះ ក្រុមហ៊ុន MSI ក៏ប្រើប្រាស់នូវ ប្រព័ន្ធត្រជាក់ផ្តាច់មុខ Cooler Boost  Trinity+ ដែលមានកង្ហាចំនួន 3 ដើម ដែកភាយកំដៅចំនួន 7 ដើម្បីរក្សាស៊ីតុណ្ហភាព អោយកាន់តែប្រសើរ នៅពេលដែលលោកអ្នកលេងហ្គេម។ Dragon Center ជាមួយនឹង Gaming Mode ដែលផ្តល់ភាពងាយស្រួល ដល់អ្នកលេងហ្គេមដោយមិន ចាំបាច់ពិបាកក្នុងការកំណត់ សម្រាប់ហ្គេមនីមួយៗឡើយ MSI App Player សម្រាប់បទពិសោធន៍ នៃការលេងហ្គេម យ៉ាងអស្ចារ្យរវាងស្មាតហ្វូន និង PC។ ប្រព័ន្ធសំឡេង Giant Speakers លឺខ្លាំងជាងមុនដល់ទៅ 15 ដងថែមទៀតផង។ សម្រាប់អ្នកលេងហ្គេមប្រភេទ 3D ក៏នឹងទទួលបាននូវសំឡេងពិរោះកម្រិត Surround Sound ជាមួយប្រព័ន្ធសម្លេង Dyna Audio អមនឹងការគ្រប់គ្រងទៅលើតន្រ្តី ខ្សែភាពយន្ត និងការខល Conference បានផងដែរ ។

 

 

នៅក្នុងភាពជាដៃគូជាមួយ នឹងក្រុមហ៊ុន Blue Stacks នៅក្នុងការអភិវឌ្ឍ ផ្តាច់មុខកម្មវិធី MSI APP PLAYER នេះក៏នឹងនាំយកនូវ បទពិសោធន៍នៃ ការលេងហ្គេមអស្ចារ្យបំផុត សម្រាប់ហ្គេមនៅលើទូរសព្ទទៅកាន់ PC Platform នេះ ហើយអ្នកនៅតែ អាចលេងហ្គេមនេះ ជាមួយនឹង Keyboard Lighting និងក្រាហ្វិកកម្រិតខ្ពស់ថែមទៀត។ មួយវិញទៀត MSI GP75 Leopard ក៏មាន DRAGON CENTER 2.0 គឺសម្រាប់ធ្វើការគ្រប់គ្រង និងការបង្កើននូវកម្លាំង កាន់តែខ្លាំងក្លាទៅលើ ការលេងហ្គេមនៅលើ ម៉ាស៊ីននេះផងដែរ។ ជាមួយនឹងសមត្ថភាពខ្លាំងបែបនេះ លោកអ្នកអាចរកទិញម៉ូឌែល MSI GS75 Stealth Series ក្នុងតម្លៃចាប់ពី 2xxx ដុល្លារ ឡើងទៅ។

 


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: សាន់នី ថ្ងៃទី ០២ ខែ ធ្នូ ឆ្នាំ ២០១៩
ប្រភព: MSI Cambodia Tag: កុំព្យូទ័រ