CAMBO REPORT

Popup Advertising5 seconds

Microsoft ប្រកាស​ចេញ Surface Laptop 3 ជា​ផ្លូវ​ការ ភ្ជាប់​មក​ជាមួយ​ជម្រើស CPU របស់ Intel និង AMD

តាមដានព័ត៌មានផ្សេងៗពី CAMBO REPORT

 

បន្ទាប់ពីទទួលបានព័ត៌មានជាច្រើន ដែលនិយាយទាក់ទងទៅនឹងកុំព្យូទ័រយួរដៃ ជំនាន់ចុងក្រោយរបស់ក្រុមហ៊ុន Microsoft ដែលស្ថិតនៅក្នុងត្រកូល Surface រួចមក។ នៅទីបំផុតកាលពីយប់មិញនេះ នៅឯព្រឹត្តិការណ៍មួយដែលធ្វើឡើងនៅក្នុងទីក្រុង New York នៃសហរដ្ឋអាមេរិក ក្រុមហ៊ុន Microsoft ក៏បានធ្វើការប្រកាសចេញកុំព្យូទ័រយួរដៃ ដែលស្ថិតនៅក្នុងត្រកូល Surface ជំនាន់ចុងក្រោយរបស់ខ្លួនជាផ្លូវការ ហើយវាមានឈ្មោះថា Surface Laptop 3។

 



Surface Laptop 3 មកជាមួយជម្រើសអេក្រង់ទំហំ 13.5 និង 15 អ៊ីញ។ សម្រាប់ម៉ូឌែល 13.5 អ៊ីញ មានកម្រិតបង្ហាញ 2256 x 1504 (201ppi) និងមានសមាមាត្រអេក្រង់ 3:2។ លើសពីនេះទៅទៀត អេក្រង់របស់វាក៏គាំទ្រមុខងារ Touch Screen និង Surface Pen ផងដែរ។ ចំពោះកម្លាំងម៉ាស៊ីនវិញ វាបំពាក់មកជាមួយ CPU ជំនាន់ទី 10 របស់ក្រុមហ៊ុន Intel ប្រភេទ Quad-core ដែលមាន 2 ជម្រើស គឺ Core-i5 1035G7 និង Core-i7 1065G7 ដែលភ្ជាប់មកជាមួយក្រាហ្វិក Intel Iris Plus Graphics គួបផ្សំជាមួយ ជម្រើស RAM ទំហំ 8/16GB ប្រភេទ LPDDR4x អមមកជាមួយជម្រើសអង្គផ្ទុកទិន្នន័យប្រភេទ SSD ទំហំ 128/256/512GB និង 1T (អាចធ្វើការដោះដូរបាន)។ ចំណែកឯការតភ្ជាប់វិញ វាភ្ជាប់មកជាមួយ Wi-Fi 6 + Bluetooth 5.0, រន្ធ USB-C ចំនួន 1, រន្ធ USB-A ចំនួន 1, រន្ធ Surface Connect Port ចំនួន 1 និង រន្ធសម្រាប់ដោតកាសដាក់ត្រចៀក 3.5mm ចំនួន 1។ ចំពោះជម្រើសពណ៌វិញ Surface Laptop 3 ម៉ូឌែល 13.5 អ៊ីញ មកជាមួយជម្រើសពណ៌ចំនួន 4 គឺ Sandstone , Matte Black, Platinum និង Cobalt Blue ។ ក្រុមហ៊ុន Microsoft នឹងធ្វើការដាក់លក់វាក្នុងតម្លៃចាប់ពី 999 ដុល្លារឡើងទៅ ហើយឲ្យអ្នកធ្វើការ កុម្ម៉ង់ Surface Laptop 3 ម៉ូឌែល 13.5 អ៊ីញ ចាប់ពីថ្ងៃនេះតទៅ ហើយវានឹងបញ្ចេញលក់ជាផ្លូវការ នៅថ្ងៃទី 22 ខែតុលា ខាងមុខ នេះតែម្តង។

 



ចំណែកឯ ម៉ូឌែល 15 អ៊ីញ មានកម្រិតបង្ហាញ 2496 x 1664 (201ppi) និងមានសមាមាត្រអេក្រង់ 3:2។ លើសពីនេះទៅទៀត អេក្រង់របស់វាក៏គាំទ្រមុខងារ Touch Screen និង Surface Pen ផងដែរ។ ចំពោះកម្លាំងម៉ាស៊ីនវិញ វាបំពាក់មកជាមួយ CPU របស់ក្រុមហ៊ុន AMD ដែលមាន 2 ជម្រើស គឺ Ryzen 5 3580U ដែលភ្ជាប់មកជាមួយក្រាហ្វិក Radeon Vega 9 Microsoft Surface Edition និង Ryzen 7 3780U ដែលភ្ជាប់មកជាមួយ Radeon RX Vega 11 Microsoft Surface Edition គួបផ្សំជាមួយជម្រើស RAM ទំហំ 8/16GB ប្រភេទ LPDDR4 អមមកជាមួយជម្រើសអង្គផ្ទុកទិន្នន័យប្រភេទ SSD ទំហំ 128/256/512GB និង 1T (អាចធ្វើការដោះដូរបាន)។ ចំណែកឯការតភ្ជាប់វិញ វាភ្ជាប់មកជាមួយ Wi-Fi 6 + Bluetooth 5.0, រន្ធ USB-C ចំនួន 1, រន្ធ USB-A ចំនួន 1, រន្ធ Surface Connect Port ចំនួន 1 និង រន្ធសម្រាប់ដោតកាសដាក់ត្រចៀក 3.5mm ចំនួន 1។ ចំពោះជម្រើសពណ៌វិញ Surface Laptop 3 ម៉ូឌែល 15 អ៊ីញ មកជាមួយជម្រើសពណ៌ចំនួន 2 គឺ Matte Black និង Platinum។ ក្រុមហ៊ុន Microsoft នឹង ធ្វើការដាក់លក់វាក្នុងតម្លៃចាប់ពី 1,199 ដុល្លារឡើងទៅ ហើយឲ្យអ្នកធ្វើការកុម្ម៉ង់ Surface Laptop 3 ម៉ូឌែល 15 អ៊ីញ ចាប់ពីថ្ងៃនេះតទៅ ហើយវានឹងបញ្ចេញលក់ជាផ្លូវការ នៅថ្ងៃទី 22 ខែតុលា ខាងមុខនេះតែម្តង។

 

 


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: Chiro ថ្ងៃទី ០៣ ខែ តុលា ឆ្នាំ ២០១៩
ប្រភព: Microsoft Tag: កុំព្យូទ័រ