CAMBO REPORT

Popup Advertising5 seconds

កាតាបមួយនេះអាចបញ្ជាតន្ត្រី ផែនទី ដោយមិនចាំបាច់បើកទូរសព្ទ

តាមដានព័ត៌មានផ្សេងៗពី CAMBO REPORT

 

បច្ចេកវិទ្យាបានរីកចម្រើនពីមួយថ្ងៃទៅមួយថ្ងៃ ឥតឈប់ឈរ។ ក្នុងនោះបច្ចេកវិទ្យាមួយចំនួន បានក្លាយជាផ្នែកមួយនៃជីវិតប្រចាំថ្ងៃរបស់យើងទៅហើយ ដោយវានៅជាប់ខ្លួនរបស់យើងជារៀងរាល់ថ្ងៃមានដូចជា ស្មាតហ្វូន នាឡិកាដៃវៃឆ្លាត កាសស្ដាប់តន្ត្រីឥតខ្សែ និងថេប្លេតជាដើម។ ពេលនេះផងដែរ ក្រុមហ៊ុន ក្រុមហ៊ុនឌីហ្សាញល្បីឈ្មោះ Saint Laurent បានចេញលក់ កាតាបស្ពាយ ដែលមានបំពាក់សេវាកម្ម Google ជាមួយនឹងការរចនាដោយប៉ះបញ្ជាលើផ្ទៃក្រណាត់ផ្ទាល់។ 

 

 

 

ដោយបានសហការពី Project Jacquard របស់ Google នោះកាតាប Cit-E អនុញ្ញាតអោយម្ជាស់របស់វាអាចធ្វើការបញ្ជាទៅលើ តន្រ្តី, ផែនទី និង ភ្លើងបង្ហាញសារដំណឹងបាន តាមរយៈខ្សែកាតាបផ្ទាល់។ 

 

 

Yves Saint Laurent Cit-E អាចភ្ជាប់ជាមួយស្មាតហ្វូនបានតាមរយៈដុំតូចមួយដែលមានភ្ជាប់មកជាមួយ នឹងកាតាបជាស្រាប់។ បន្ទាប់ពីបានភ្ជាប់រួចហើយនោះ យើងអាចបញ្ជាទៅលើមុខងារនានា ដោយការអូសគ្រវាសទៅលើផ្ទៃនៃខ្សែកាតាបខាងឆ្វេងដែលមាន 4 ជម្រើសមានដូចជា៖ អូសឡើង, អូសចុះ, ប៉ះ 2 ដង និង ប្រើប្រអប់ដៃគ្រប់លើវាតែម្តង។  

 

 

និយាយពីគុណភាពនៃ កាតាបនេះវិញ ក៏ត្រូវបានផលិតឡើងដោយសាច់ក្រណាត់នីឡុង ដែលមានខណ្ឌចែកកន្លែងសម្រាប់ដាក់ ស្មាតហ្វូន និងកុំព្យូទ័រយួដៃនៅខាងក្នុង។ តែគួអោយសោកស្តាយ ព្រោះកាតាបស្ពាយមួយនេះតម្លៃដល់ទៅ 877 ដុល្លារ ឯនោះ ដែលហាក់បីដូចជា លើសពីសមត្ថភាពដែលវាមាន។ យ៉ាងណាមិញ វាមានលក់តែនៅលើវែបសាយ Yves Saint Laurent តែប៉ុណ្ណោះនៅពាក់កណ្តាលខែនេះ។ 

 


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: Sam ថ្ងៃទី ០៥ ខែ កញ្ញា ឆ្នាំ ២០១៩
ប្រភព: The Verge Tag: ឧបករណ៍អេឡិចត្រូនិចផ្សេងៗ