CAMBO REPORT

Popup Advertising5 seconds

ព្រឹត្តិការណ៍ថ្មីនៃហ្គេម Apex Legends ជាមួយនឹងវគ្គ Armed and Dangerous បានបើកឲ្យលេងហើយ

តាមដានព័ត៌មានផ្សេងៗពី CAMBO REPORT

 

កំណែអាប់ដេត ទៅកាន់ជំនាន់ចុងក្រោយ នៃហ្គេម Apex Legends បានចាប់ផ្ដើមដាក់ឲ្យ ទាញយកមកលេងហើយ ជាមួយនឹងព្រឹត្តិការណ៍ថ្មី Voidwalker និងការផ្លាស់ប្ដូរជាច្រើនទៀត។ បន្ទាប់ពីធ្វើការអាប់ដេតរួចហើយ អ្នកទាំងអស់គ្នា ប្រាកដជាប្រទះឃើញមាន បន្ថែមលក្ខណៈថ្មីៗមួយចំនួន ទៅលើហ្គេម Apex Legends ដែលរួមមានដូចជា ឈុតសំលៀកបំពាក់ ខាងក្រៅថ្មីៗរបស់តួអង្គ ( Skin ), គោលដៅលេងថ្មីៗ និងជាពិសេសបំផុតគឺជាវគ្គ Armed and Dangerous តែម្ដង។


វគ្គ Armed and Dangerous គឺអនុញ្ញាឲ្យអ្នកប្រើប្រាស់តែកាំភ្លើងស្នប់ ( Shotgun ) និងកាំភ្លើងទុកសម្រាប់លបបាញ់ ( Sniper ) តែប៉ុណ្ណោះ ដូច្នេះវាមានការពិបាកក្នុងស្វែងរកបន្តិចហើយ។ នៅក្នុងព្រឹត្តិការណ៍នេះដែរ គេក៏បានបន្ថែមប្រវត្តិរបស់តួអង្គ Wraith ផងដែរ។ ចំណែកឯឈុតសំលៀកបំពាក់ខាងក្រៅថ្មីៗរបស់តួអង្គ និងរបស់មួយចំនួនទៀត គឺតម្រូវឲ្យអ្នកធ្វើការបំពេញបេសកកម្ម ដើម្បីទទួលបានវា ប៉ុន្តែបើសិនជាអ្នកធ្វើការទិញរបស់ផ្តាច់មុខមួយចំនួននៅក្នុងព្រឹត្តិការណ៍នេះ នៅពេលនោះអ្នកនឹងអាចធ្វើការទិញ គ្រឿងតុបតែងទាំងអស់បាន តាមរយៈការទិញដោយផ្ទាល់ ក្នុងតម្លៃ 5 ដុល្លារ។ ។


ព្រឹត្តិការណ៍ Voidwalker គឺត្រូវបានចាប់ផ្ដើម បើកឲ្យលេងពីថ្ងៃនេះតទៅ រហូតដល់ថ្ងៃទី 17 ខែកញ្ញា ឆ្នាំ 2019 ហើយនៅពេលដែល ព្រឹតិ្តការណ៍នេះត្រូវបានបញ្ចប់ វគ្គ Armed and Dangerous ក៏ត្រូវដកចេញវិញផងដែរ។ លើសពីនេះទៅទៀត ចាប់ពីថ្ងៃទី 6 ខែកញ្ញា រហូតដល់ថ្ងៃទី 9 ខែកញ្ញា ឆ្នាំ 2019 នាពេលឆាប់ៗខាងមុខនេះ អ្នកលេងទាំងអស់ដែលជាប់ក្នុងតារាង 5 នាក់ចុងក្រោយ ដែលឈ្នះ ក្នុងការលេងហ្គេម នឹងទទួលបាន XP ( Experience ) គុណនឹង 2។


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: Chiro ថ្ងៃទី ០៣ ខែ កញ្ញា ឆ្នាំ ២០១៩
ប្រភព: Tech Radar Tag: កម្មវិធី-ហ្គេម