CAMBO REPORT

Popup Advertising5 seconds

នេះជា Concept iOS 13 ជាមួយមុខងារ Dark Mode លើទូរសព្ទ​គម្រូ iPhone ជំនាន់ទី 11!

តាមដានព័ត៌មានផ្សេងៗពី CAMBO REPORT

 

iOS 12 ជាប្រព័ន្ធប្រតិបត្តិការណ៍ថ្មី ជំនាន់ចុងក្រោយ របស់ក្រុមហ៊ុន Apple សម្រាប់ដាក់អោយតម្លើងលើ iDevices ដែល Support ហើយជាពិសេស វាមានមុខងារ ប្លែកៗច្រើន និងកែទម្រង់ រចនាបថមួយចំនួន ខុសគ្នាពី iOS 11 ច្រើនគួរសម ផងដែរ។ តួយ៉ាង មកទល់ពេលនេះ iOS 12 បានឈានមកដល់ជំនាន់ 12.1.4 ផ្លូវការហើយ និងកំពុងបន្តសាកល្បងលើ ប្រព័ន្ធ​ប្រតិបត្តិ​ការណ៍​​​ជំនាន់ iOS 12.2 Beta ដែលត្រៀមនឹងបញ្ចេញ ដាក់អោយប្រើជាសាធារណៈ នៅពេលខាងមុខ។

 

ពេលវេលា​ចេះ​តែ​រំកិលទៅមុខ ហើយប្រហែលជាមិនយូរទៀតឡើយ ខាងក្រុមហ៊ុនផ្លែប៉ោម ច្បាស់ជាត្រៀមប្រកាសបង្ហាញ​ប្រព័ន្ធ​ប្រតិបត្តិការណ៍ ជំនាន់ថ្មីចុងក្រោយ គឺ iOS 13 ប៉ុន្តែមិនទាន់ដាក់អោយប្រើប្រាស់បានជាសាធារណៈភ្លាម នៅពេលនោះទេ។

ជាក់ស្តែង កាលពីដើមខែកុម្ភៈ កន្លងទៅនេះ យើងធ្លាប់បានទទួលនូវរបាយការណ៍ថ្មី តាមរយៈប្រភពព័ត៌មានអន្តរជាតិជាច្រើន ដែល​បាន​ចេញផ្សាយអោយដឹងថា Apple អាចនឹងនាំយកមុខងារ Dark Mode ចូលមកកាន់ប្រព័ន្ធប្រតិបត្តិការ iOS 13 ជាលើកដំបូង ដោយ​មុខងារនេះ នឹងបំពេញបន្ថែមទៅដល់ការសម្រួលនៃការប្រើប្រាស់ iDevice ជាមួយ UI ពណ៌ប្រផេះ ឬខ្មៅស្រាល។ មិន​ត្រឹម​តែ​មាន​មុខងារ Dark Mode ប៉ុណ្ណោះទេ iOS 13 នឹងផ្លាស់ប្ដូរ UI នៃផ្ទាំងអេក្រង់ Home Screen ផងដែរ រួមបញ្ចូលទាំង​ផ្ទាំង​របា​ដំណឹង កែប្រែ ឬបន្ថែមមុខងារ Gesture ជាដើម។

 

ខាងក្រោមនេះ ជារូបភាព Concept លើ iOS 13 ជាមួយមុខងារ Dark Mode ជាមួយ Concept ទូរសព្ទ iPhone ជំនាន់ទី 11 (មានកាមេរ៉ាខាងក្រោយ 3 គ្រាប់) ថាវាប្លែកយ៉ាងណា៖

 

អញ្ចឹង សម្រាប់រូបភាពទាំងប៉ុន្មានខាងលើនេះ គឺជារូបប្រភេទ Concept លើប្រព័ន្ធប្រតិបត្តិការ iOS 13 ជំនាន់ថ្មី ជាមួយមុខងារ Dark Mode ដែលត្រូវបានគេឌីហ្សាញទុកជាការពិចារណា ដល់ប្រិយមិត្តដែលកំពុងប្រើប្រាស់ iDevices របស់ក្រុមហ៊ុន Apple ថា​វា​ប្លែកប៉ុនណា។ ចុះមិត្តអ្នកអានពេញចិត្តទេ បើសិន Dark Mode មាននៅលើ iOS 13 ពិតមែន?


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: Sunny ថ្ងៃទី ១៤ ខែ មិនា ឆ្នាំ ២០១៩
ប្រភព: Phone​​ Arena Tag: ទូរស័ព្ទ