CAMBO REPORT

Popup Advertising5 seconds

ត្រឹមតែ 3 ថ្ងែ​ប៉ុណ្ណោះ ហ្គេម Apex Legends ទទួល​បាន​ចំនួន​អ្នក​លេង​ដល់​ទៅ 10 លាននាក់!

តាមដានព័ត៌មានផ្សេងៗពី CAMBO REPORT

 

គោលបំណងរបស់ក្រុមហ៊ុនផលិតហ្គេម Respawn បានទទួលបានជោគជ័យហើយ ដោយហ្គេម Apex Legends របស់ខ្លួន ដែល​ទើប​នឹង​ដាក់​ចេញ​ឲ្យ​លេង​បាន​តែ 8 ម៉ោង​តែ​ប៉ុណ្ណោះ ក៏ទទួលបានអ្នកលេងដល់ទៅ 1 លាននាក់ និងរហូតមកដល់ថ្ងៃទី 3 បន្ទាប់​ពី​ថ្ងែ​ដាក់​បញ្ចេញ​​​មក ហ្គេមនេះទទួលបានអ្នកលេងយ៉ាងច្រើនដល់ទៅ 10 លាននាក់ទៅហើយ។ ហ្គេម Apex Legends នេះ​គឺ​ជា​ហ្គេមប្រភេទ Battle Royale ដែលកំពុងតែមានភាពល្បីល្បាញ ហើយក៏អាចនឹងយកឈ្នះហ្គេម Fortnite និងហ្គេម PUBG ផងដែរ នាពេល​អនាគត​ខាងមុខ។

Apex Legends គឺជាហ្គេមដែលប្រិយមិត្តអ្នកអានទាំងអស់ អាចទាញយកមកលេងបាន ដោយឥតគិតថ្លៃ ហើយហ្គេម Battle Royale ថ្មីនេះ បានស្ថិតនៅក្នុងប្រភេទ Titanfall universe និងការបូកបញ្ចូលគ្នារវាង​តួអង្គ​ល្បីៗ​ពី​ហ្គេម​បាញ់​គ្នា​ដទៃៗ​ថែម​ទៀត​ផង។ អ្នក​ទាំង​អស់​គ្នា​ក៏​អាចនិយាយបានថា ហ្គេមថ្មីមួយនេះគឺមានតួអង្គដាក់ឲ្យជ្រើសរើស ដូចទៅនឹងហ្គេម Overwatch អញ្ចឹងដែរ ដោយរបៀបលេង បែប​មាន​លក្ខណៈ​ដូចជា PUBG ឬក៏ Fortnite ទៅវិញ ហើយនេះក៏ជាចំណុចទាក់ទាញមួយ ដែល​ធ្វើ​ឲ្យ​ទ​ទួលបានអ្នកលេងច្រើន ក្នុង​រយៈ​​ពេល​មួយ​យ៉ាង​លឿន​ដូចនេះ។ ចំណែកឯផ្នែកដែលខុសប្លែក និងគួរកត់សំគាល់នោះគឺថា ក្នុងមួយក្រុម ឬក៏ Squad មានចំនួនតែ 3 នាក់ប៉ុណ្ណោះ ហើយ​ហ្គេមមួយនេះ ក៏មានលក្ខណៈ​ពិសេស​មួយ​សម្រាប់​ជំនួយ​ទៅ​លើ​ការ​ទំនាក់​ទំនង​ក្នុង Squad របស់អ្នក ដោយ​មិន​ចាំ​បា​ច់​​ប្រើប្រាស់​សំឡេង Voice Chat ផងដែរ។

សរុបមក ហ្គេម Apex Legends គឺពិតជាមានលក្ខណៈពិសេស ដែលធ្វើឲ្យអ្នកលេងជាច្រើនចូលចិត្ត ហើយថែម​ទាំង​អាច​ទាញ​យក​មក​លេងបាន ដោយឥតគិតថ្លៃថែមទៀតផង ហើយហ្គេមមួយនេះក៏មានទេសភាពស្អាត ដូចជាពិតៗអញ្ចឹង ក៏ប៉ុន្ដែតម្រូវឲ្យ​អ្នក​លេង​មាន​កុំព្យូទ័រ​លំដាប់​កំពូល សម្រាប់អាចកំណត់ Setting ទៅកម្រិតខ្ពស់បានផងដែរ។


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: Hong ថ្ងៃទី ០៨ ខែ កុម្ភៈ ឆ្នាំ ២០១៩
ប្រភព: The Verge Tag: កម្មវិធី-ហ្គេម