CAMBO REPORT

Popup Advertising5 seconds

ក្នុងចំណោមស្មាតហ្វូន​លំដាប់​កំពូល​ប្រចាំ​ឆ្នាំ 2018 តើម៉ូឌែលណា​​មួយមាន​​ថា​មពល​​ថ្មរស់​បាន​យូរ​ជាងគេ?

តាមដានព័ត៌មានផ្សេងៗពី​​ ​ ​ CAMBO REPORT

 

នៅសល់តែមួយខែទៀតប៉ុណ្ណោះ គឺដាច់ឆ្នាំចាស់ 2018 ឈានចូលឆ្នាំថ្មី 2019 ហើយ ដោយក្នុងនោះ ក្រុមហ៊ុនផលិត​ទូរសព្ទធំ​ជា​ច្រើន ក៏បាន​បញ្ចេញ​ស្មាត​ហ្វូន​ថ្នាក់​លំដាប់​កំពូលៗ របស់ពួកគេរួចរាល់អស់ហើយដែរ មិនថា Apple, Samsung, Huawei, Honor, OnePlus, LG, Google, Sony, Xiaomi និង Motorola ជាដើម។ ចំណែកឯលក្ខណៈសម្បត្តិរបស់ទូរសព្ទកំពូលៗទាំងអស់នោះ ក៏មិន​អោយចាញ់គ្នាប៉ុន្មានដែរ បូករួមទាំងកម្លាំងថាមពលថ្ម។ ចុះម៉ូឌែលណា មានថាមពលថ្មរស់បានយូរជាងគេ?

អញ្ចឹង នៅក្នុងថ្ងៃនេះ ខាងប្រភព Phone Arena ក៏បានធ្វើការបង្ហាញតារាងរបាយការណ៍មួយ ក្រោយប្រមូល​ទិន្នន័យ​ពីកម្លាំង​ថាមពល​ថ្ម​របស់ទូរសព្ទកំពូលៗ រហូតដល់ទៅ 17 ម៉ូឌែល ដែលមានវត្តមាន ជាផ្លូវការ នៅក្នុងឆ្នាំ 2018 នេះ។ ចំពោះម៉ូឌែល ដែល​ខាង​ប្រភព​បានធៀបគ្នា លើរយៈពេលរស់នៃកម្លាំងថាមពលថ្ម រូមមាន iPhone XS, iPhone XS Max, iPhone XR, Galaxy S9, Galaxy S9+, Galaxy Note 9, Mate 20, Honor 10, OnePlus 6T, LG V40 ThinQ, LG G7 ThinQ, Pixel 3, Pixel 3 XL, Xperia XZ2, Xperia XZ3, Pocophone F1, Moto XZ3 Play។ ដូច្នេះ កុំអោយខាតពេល ដោយខាងក្រោមនេះ ជាតារាង​បញ្ជាក់​ថា រយៈពេលនៃថាមពលថ្មស្មាតហ្វូនកំពូលម៉ូឌែលណា រស់បានយូរជាងគេ និងបន្តបន្ទាប់៖

 

•    ម៉ោង = h

•    នាទី = min

 

សរុបមក ជាលទ្ធផល បានបង្ហាញអោយឃើញថា ស្មាតហ្វូនដែលមានថាមពលថ្ម អាចរស់បានយូរជាងគេ សម្រាប់ការប្រើប្រាស់ គឺ​បានទៅលើម៉ូឌែល Mate 20 របស់ក្រុមហ៊ុន Huawei ដែលមានថាមពលថ្ម 4000mAh ជាមួយរយៈពេលរស់បានដល់ 14 ម៉ោង 26 នាទី។ ម៉ូឌែលបន្ទាប់ក្នុងចំណាត់ថ្នាក់ទី 2 គឺបានទៅលើ iPhone XR របស់ Apple ដែលមានថាមពលថ្ម 2942mAh ជាមួយ​រយៈ​​ពេលរស់បានដល់ 11 ម៉ោង 01 នាទី ឯចំណាត់ថ្នាក់ទី 3 បានទៅលើទូសរព្ទ Pocophone F1 របស់ Xiaomi ដែល​មាន​ថាមពលថ្ម 4000mAh ជាមួយរយៈពេលរស់បានដល់ 10 ម៉ោងគត់តែម្តង។


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: Sunny ថ្ងៃទី ៣០ ខែ វិច្ឆិកា ឆ្នាំ ២០១៨
ប្រភព: Phone​​ Arena Tag: ចំណេះដឹងទូទៅ