CAMBO REPORT

Popup Advertising5 seconds

របៀបបិទបើក​រន្ធ​ស្រូប​សម្លេង​ពេល Screen record លើ iPhone

តាមដានព័ត៌មានផ្សេងៗពី​​ ​ ​ CAMBO REPORT

 

សម្រាប់មិត្តអ្នកអាន ដែលឧស្សាហ៍ប្រើប្រាស់មុខងារថតការប្រើប្រាស់នៅលើអេក្រង់ៃScreen record របស់ iPhone, iPad នោះ អ្នកគួរ​តែ​ស្វែងយល់ពីរបៀបបិទបើក Microphone របស់វា ព្រោះពេលខ្លះ យើងថត screen record នេះ មិនចង់​ឲ្យ​ជាប់​សម្លេង​ផ្ទាល់​នោះ​ទេ ដូច្នេះយើងនឹងណែនាំឲ្យអ្នកទាំងអស់គ្នាបានដឹងរបៀបបិទ ឬបើកវា នៅពេលដែលមិត្តអ្នកអានប្រើប្រាស់វា តាម​តម្រូវ​ការ​របស់​អ្នក។

ឆ្លៀតបន្តិច យើងចង់ណែនាំអ្នកពីការយកប៊ូតុង ឬ Toggle មុខងារនេះ ទៅដាក់នៅលើ Control Center ជាមុនសិន។ ដោយ​អ្នក​ចូល​ទៅ​កាន់ Settings>Control Center និងចុចបន្តលើ Customize Controls ពេលចូលទៅដល់ចាំអូសយក Screen Recording នោះឡើងមកលើ ដើម្បីឲ្យវាបង្ហាញនៅលើរបា Control Center បាន។

របៀបបិទបើក Microphone វិញ ក៏ងាយស្រួលដែរ បន្ទាប់ពីអ្នកបានទាញប៊ូតុង មុខងារនេះ មកដាក់នៅលើរបា Control Center រួចនោះ អ្នកអាចអូសរបា Control Center នោះមក រួចចុចសង្កត់ម្តងលើប៊ូតុងមុខងារនេះ ពេលនោះអ្នកនឹងឃើញកន្លែង Off ឬ On នៅខាងក្រោម ដោយបង្ហាញពីរូប Microphone មួយ ដូច្នេះអ្នកអាចបិទ ឬបើកវាតាមតម្រូវការបាន។

មុខងារនេះ ពិតជាមានប្រយោជន៍សម្រាប់អ្នកប្រើប្រាស់ ព្រោះយើងអាចប្រើវាសម្រាប់ថតការប្រើប្រាស់បាន នៅពេលដែលយើង​ចង់​បង្ហាញ​ពី​ការ​ប្រើប្រាស់ ឬរបៀបប្រើប្រាស់ទៅកាន់នរណាម្នាក់ ដោយការថតជាវីដេអូតែម្តង វាប្រសើរជាងការ Screenshot ច្រើន​ណាស់ ដូច្នេះមិត្តអ្នកអាន ដែលមិនសូវប្រើប្រាស់ ក៏គួរតែសាកល្បង និងវាជាជំនួយច្រើនដល់ការងាររបស់យើងផងដែរ។


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: Hong ថ្ងៃទី ២៨ ខែ វិច្ឆិកា ឆ្នាំ ២០១៨
ប្រភព: iDownload​ Blog Tag: ចំណេះដឹងទូទៅ