CAMBO REPORT

Popup Advertising5 seconds

T-Force SSD ពពួក SATA ចេញថ្មី អមមកជាមួយភ្លើង RGB ដ៏កន្ត្រាក់អារម្មណ៍!

តាមដានព័ត៌មានផ្សេងៗពី CAMBO REPORT

 

ក្នុងទីផ្សារហ្គេមបច្ចុប្បន្ន ឃើញថាភ្លើង RGB បានកំពុងរីកដុះដាល ដូចផ្សិតអញ្ចឹង ជាក់ស្ដែងយើងមានក្ដារចុច RGB, Mouse RGB, ខ្សែភ្លើង RGB, Monitor RGB, កង្ហារ RGB, RAM RGB, PSU RGB, កៅអី RGB, ទូរស័ព្ទ RGB និងផ្សេងៗទៀតជាច្រើន។ ក្នុងនោះក្រុមផលិតឧបករណ៍ ឬគ្រឿងគ្រូវផ្នែករឹង សម្រាប់កុំព្យូទ័រឈ្មោះថា T-Force ឬ Team Group ក៏បាននាំមកនូវអង្គ ផ្ទុកទិន្នន័យជំនាន់ថ្មីរបស់ខ្លួន ជាមួយនឹងតួខ្លួនមានភ្លើង RGB ដ៏កប់ស៊េរី ដើម្បីបំពេញ ផ្លូវចិត្តអ្នកដែលចង់បានគ្រឿងមួយ Set មានភ្លើង RGB ក្នុងម៉ាស៊ីនតែមួយ។

 


SSD មានភ្លើង RGB ដ៏កប់ស៊េរីនោះមានឈ្មោះ ហៅជាផ្លូវការថា Delta R RGB ជាប្រភេទអង្គ ផ្ទុកទិន្នន័យប្រើប្រាស់ Interface SATA ទំហំមាឌ 2.5 អ៊ីញ មានកម្រាស់ 9.5mm  មានពីរពណ៌សម្រាប់ ជ្រើសរើសគឺ ស និងខ្មៅ។ អ្នកដែលតម្លើង PC មិនចាំបាច់បារម្មណ៍រឿង Sync ភ្លើងពណ៌ទៀតនោះដែរ ព្រោះ SSD នេះអាចយកទៅប្រើប្រាស់ ជាមួយនឹងមុខងារ Sync ជាច្រើនតាមម៉ាករបស់ Motherboard ដូចជា Gigabyte, MSI, ASUS និង ASRock ជាដើម។ Delta R RGB មានបីទំហំសម្រាប់ឲ្យ យើងធ្វើការជ្រើសរើស 250GB, 500GB និង 1000GB តាមការជ្រើសរើស ជាមួយល្បឿនដូចខាងក្រោម៖


•    ល្បឿន Read ដល់ 560MB/s


•    ល្បឿន Write ដល់ 500MB/s


•    ល្បឿន Read និង Write បែប Random ដល់ 85,000 IOPS


SSD នេះប្រើប្រាស់បច្ចេកវិទ្យា 3D NAND Flash ដែលធានាទៅដល់ ការប្រើប្រាស់បានរាប់សិបឆ្នាំ អមមកជាមួយនឹងបច្ចេកវិទ្យា S.M.A.R.T, TRIM និង Error Code Correction ជួយទៅដល់ការ រក្សាទុកឯកសារមានសុវត្ថិភាពខ្ពស់។

 


Delta R RGB ចាប់នឹងមកដល់ទីផ្សារនាចុងឆ្នាំ 2018 នេះតទៅក្នុងតម្លៃ៖


•    250GB តម្លៃ USD 72


•    500GB តម្លៃ USD 106


•    1000GB នៅមិនទាន់បញ្ចេញតម្លៃឲ្យដឹងនៅឡើយទេ


ទាំង 3 ជម្រើសខាងលើនឹងមាន ការធានាយ៉ាងត្រឹមត្រូវដល់ទៅ 3 ឆ្នាំឯណោះ។ ហេតុដូច្នេះសម្រាប់ ប្រិយមិត្តកំពុង ស្វែងរកអង្គផ្ទុកទិន្នន័យ ដែលមានភ្លើង RGB ងាយស្រួលក្នុងការ តម្លើងម៉ាស៊ីនឲ្យ មានភាពលេចធ្លោ Delta R RGB SSD របស់ Team Group អាចកត់ចូលបញ្ជី របស់អ្នកបាន ម្យ៉ាងវាក៏មានតម្លៃធូថ្លៃផងដែរ។

 




 

 


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: Ti ថ្ងៃទី ២៣ ខែ កញ្ញា ឆ្នាំ ២០១៨
ប្រភព: Tomshareware Tag: កុំព្យូទ័រ