តើប្រិយមិត្តធ្លាប់មានបញ្ហាទៅលើ ការបាត់ឈ្មោះ និង​លេខ​ទូរសព្ទ​ឬទេ នៅ​ពេ​លដែល​យើង​ប្ដូរ​ទូរសព្ទ​ម្ដងៗ ឬក៏ប្ដូរស៊ីមកាតថ្មី? ប្រសិន​បើ​អ្នក ធ្លាប់ប្រើប្រាស់សេវាកម្ម Contact របស់ Google នោះអ្នកនឹងអស់បញ្ហាជាមួយវាតែម្ដង បើទោះជាអ្នកប្ដូរទូរសព្ទថ្មីរាប់ពាន់ដង និង​ប្ដូរ​លេខទូរសព្ទច្រើនយ៉ាងណាក៏ដោយ ឲ្យតែអ្នកស្គាល់ Email របស់ខ្លួនឯង ជាការស្រេច។

ជាដំបូង យើងត្រូវទាញយកកម្មវីធី Google Contacts Sync ចេញពី Play Store ជាមុនសិន ព្រោះនៅលើទូរសព្ទ Android ភាគ ច្រើន មិនមាន​វាភ្ជាប់មកស្រាប់នោះទេ។ បន្ទាប់មកត្រូវ Sign in ជាមួយនឹង Email របស់អ្នក។ គួរបញ្ជាក់ផងដែរថា នេះគឺ​ជា​សេវា​កម្មរបស់ Google អញ្ចឹងលោកអ្នកប្រើប្រាស់ Gmail មិនត្រូវប្រើប្រាស់ Yahoo ឬ Microsoft Mail នោះទេ។

បន្ទាប់ពី Sign in រួចហើយលោកអ្នកត្រូវកំណត់មុខងារមួយចំនួន នៅក្នុង Settings ព្រោះសម្រាប់ទូរសព្ទមួយចំនួន មិន​អាច​ប្រើប្រាស់​ការ Sync បញ្ចូលទៅក្នុង Email ដោយស្វ័យប្រវត្តិបាននោះទេ ជាក់ស្ដែងគឺទូរសព្ទ Xiaomi ដែលប្រើប្រាស់ MIUI Chinese Version។ នៅត្រង់ចំណុច Autostart យើងគួរតែបើកវាចោលទៅ ដើម្បីឲ្យ Google ចាប់យក Contact ថ្មីៗរបស់យើងគ្រប់ពេល មិន​ថា​យើង​បន្ថែមលេខទូរសព្ទថ្មីៗច្រើនប៉ុណ្ណាក៏ដោយ វានឹងចាប់យកគ្រប់ពេលតែម្ដង ហើយវាក៏មិនសូវស៊ីរ៉េមច្រើននោះទេ។ នៅត្រង់​ចំណុច App Permissions យើងត្រូវបើកឲ្យវាចាប់យកទិន្នន័យក្នុងទូរសព្ទរបស់យើងដែលសំខាន់ៗ ដែលជាទូទៅបើក​វាទាំង​អស់​តែ​ម្ដង​ទៅ។ ចុងក្រោយគេ គឺយើងអាចកំណត់ Restrict data usage ដោយឲ្យ Sync តែពេលប្រើប្រាស់ Wi-Fi ក៏បានដែរ ប៉ុន្តែប្រសិន​បើ​ប្រើ Mobile data ក៏វាមិនស៊ីច្រើនដែរ។

ម្យ៉ាងទៀត ប្រសិនបើអ្នកចង់ Import លេខ Contact ពីក្នុងស៊ីមកាតចូលទៅក្នុង Google Contact នោះយើងត្រូវចូលក្នុងកម្មវីធី Contact នោះ -> Settings -> Import -> SIM Card ជាការស្រេច។

ជាចុងក្រោយ នៅពេលដែលបាន Sync Contact ទាំងនោះចូលក្នុង email របស់យើងហើយ យើងអាចបើកមើលវាបាន និង​ទាញ​មក​ដាក់​ក្នុង​ទូរសព្ទរបស់យើងវិញបានគ្រប់ពេល មិនថាអ្នកប្រើប្រាស់លើកុំព្យូទ័រក៏អាចបើកមើលបាន និងដោនឡូតទុកជា File vcf ក៏​បាន។