CAMBO REPORT

Popup Advertising5 seconds

Dragon Ball FighterZ នឹង​មាន​លេង​នៅ​លើ​ម៉ាស៊ីន Switch នៅចុង​ខែ​កញ្ញា​នេះ​ហើយ

តាមដានព័ត៌មានផ្សេងៗពី​​ ​ ​ CAMBO REPORT

 

ឆ្នាំ 2018 នេះមានហ្គេមមួយចំនួន ដែលល្បីល្បាញនៅលើម៉ាស៊ីន Console ក៏ដូចជានៅលើស្មាតហ្វូន Android និង iOS ត្រៀម​នឹ​ង​មក​ដល់ បើកឲ្យលេងនៅលើម៉ាស៊ីន Nintendo Switch ជាផ្លូវការ ដូច្នេះ​សម្រាប់​ប្រិយមិត្ត ដែលជាម្ចាស់ម៉ាស៊ីនហ្គេម Switch ទាំង​អស់ អាចធ្វើការលេងហ្គេមដែលជា Title ថ្មីៗបាន ដោយក្នុងនោះរួមមានហ្គេម Dragon Ball FigherZ ផងដែរ ដែលនឹង​មាន​វត្តមាន​ជាផ្លូវការនៅលើម៉ាស៊ីន Switch ដែរហើយ។


 


ថ្ងៃនេះក្រុមអ្នកផលិត និងអភិវឌ្ឍន៍ហ្គេម Dragon Ball FigherZ ឈ្មោះ Bandai Namco បានប្រកាសជាផ្លូវការនូវថ្ងៃមក​ដល់នៃ​ហ្គេម​នេះ​ហើយ ដែលនឹងមកដល់ទីផ្សារនៅថ្ងៃទី 28 ខែកញ្ញា ឆ្នាំ 2018 ខាងមុខនេះឯង ដូច្នេះសម្រាប់ម្ចាស់ម៉ាស៊ីន Switch ទាំង​អស់ អាចនឹងបានស្គាល់រសជាតិ ជាមួយនឹងក្បាច់វ៉ៃកប់ស៊េរីរបស់ហ្គេមមើលពីចំហៀង ដែលមានក្រាហ្វិច និងវ៉ៃតង់របស់ហ្គេម​មួយ​នេះ។ ជាងនេះទៅទៀតសម្រាប់អ្នកដែលធ្វើការកម្ម៉ង់ទុកហ្គេមនេះមុនថ្ងៃចេញលក់ជាផ្លូវការនឹងទទួលបានកាដូរបន្ថែម ជាប្រភេទ​ហ្គេម Dragon Ball Z: Super Butoden ដែលចេញកាលពីឆ្នាំ 1993 មួយដោយឥតគិតថ្លៃ។



គួរបញ្ជាក់ផងដែរថា Dragon Ball FighterZ ជាហ្គេមវ៉ៃគ្នា ដូចទៅនឹងប្រភេទហ្គេម Street ឬ King of Fighter ដែរ តែវាមាន​ក្បាច់វ៉ៃ និងតួអង្គដែលដកស្រង់ចេញពីរឿងគំនូជីវចល Dragon Ball ជំនួសវិញ ដែលប្រមូលមកទាំងអស់នូវតួអង្គសំខាន់ៗ អនុញ្ញាត​ឲ្យ​វ៉ៃ​កុងគ្នាជាមួយមិត្តភក្ដិ ឬអាចវ៉ៃតាមរយៈអនឡាញ ដើម្បីធ្វើតេស្ដឲ្យដឹងអំពីសមត្ថភាពទឹកដៃអ្នកលេងបាន។

 


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: Ti ថ្ងៃទី ២៦ ខែ មិថុនា ឆ្នាំ ២០១៨
ប្រភព: Engadget Tag: កម្មវិធី-ហ្គេម