CAMBO REPORT

Popup Advertising5 seconds

AMD ប្រកាស​ចេញ CPU កប់​ផុត​លេខ​ជំនាន់​ទី 2 ដែល​មាន 32 Cores និង 64 Threads

តាមដានព័ត៌មានផ្សេងៗពី CAMBO REPORT

 

CPU ឈ្មោះថា Threadripper ដែលស្ថិតនៅក្នុងខ្សែស្រឡាយ Ryzen របស់ AMD បានធ្វើឲ្យទីផ្សារ កុំព្យូទ័រកក្រើកម្ដងរួចទៅហើយ កាលពីឆ្នាំ 2017 កន្លងទៅ ហើយមកដល់ឆ្នាំ 2018 នេះម្ដងទៀត ក្រុមហ៊ុន AMD បាននាំយក CPU ត្រកូល Ryzen របស់ខ្លួន ដែលជាជំនាន់ទី 2 មកប្រកាសចេញ ជាផ្លូវការ ដែលក្នុងនោះរួមមាន Threadripper ជំនាន់ទី 2 មួយផងដែរ។

Threadripper ជំនាន់ទី 2 ក៏មិនខុសពីជំនាន់ទី 1 ប៉ុន្មានដែរ ដោយវាផ្ដោតសំខាន់ ទៅលើគ្រាប់ Core និងល្បឿនលឿន ខណៈជំនាន់ទី 2 នេះមាន Core លោតដល់ 32 និង Threads ដល់ 64 ច្រើនជាងឈីបពពួក Extreme Edition របស់ Intel ដែលនឹងចេញមុខ នាចុងឆ្នាំនេះ មានត្រឹម 28 Cores និង 56 Threads ប៉ុណ្ណោះ។ Threadripper ជំនាន់ទី 2 នៅតែប្រើប្រាស់ Architecture ឈ្មោះថា Zen+ មានន័យថា CPU នេះ អាចយកទៅប្រើប្រាស់នៅលើ Motherboard ដូចទៅនឹងឈីប Threadripper ជំនាន់ទី 1 ដូចគ្នា ជាមួយនឹងទំហំធំដល់ 12 ណាណូម៉ែត្រ ស៊ីភ្លើងខ្លាំងដល់ទៅ 250W។ តែនេះមិនមែន មានន័យថាវាល្អ គ្រប់គ្រាប់ ដើម្បីឲ្យអ្នកប្រើប្រាស់ ទទួលបាននូវបទពិសោធន៍ ពេញលេញនោះទេ គឺថាក្រុមហ៊ុនផលិត Motherboard ក៏បានបញ្ចេញជំនាន់ថ្មី សម្រាប់ធ្វើការស្វាគមន៍ Threadripper ជំនាន់ទី 2 ពពួក X399 នេះផងដែរ។

Threadripper ជំនាន់ទី 2 ថ្មីនេះ ចែកចេញជា 2 ជម្រើសសម្រាប់ជ្រើសរើសដែល មួយមាន 32 Cores និងមួយទៀតមានត្រឹម 24 Cores ប៉ុណ្ណោះរត់ និងមានទំហំ L3 Caches ដូចខាងក្រោម៖

 

•    Threadripper 2 មាន 32-Cores និង 64 Threads រត់ក្នុងល្បឿន 3.0GHz ឡើងទៅ 3.4GHz មានទំហំ L3 Cache 64MB និង PCIe 3.0 Lanes = 60+4

•    Threadripper 2 មាន 24-Cores និង 48 Threads រត់ក្នុងល្បឿន 3.0GHz ឡើងទៅ 3.4GHz មានទំហំ L3 Cache 48MB និង PCIe 3.0 Lanes = 60+4

 

ឈីបទាំងពីរនេះមានល្បឿនខុសគ្នាមិនច្រើននោះទេ ដែល AMD នឹងបញ្ចេញឈីបនេះ លក់នៅក្នុងឆ្នាំ 2018 នេះតែម្ដង មិនចាំបាច់ឲ្យអតិថិជន របស់ខ្លួនរង់ចាំយូរនោះទេ បើអ្នកចង់បានស្ដេច CPU លើសគេ ខ្លាំងជាងគេ លឿនជាងគេ ស៊ីភ្លើងជាងគេ ហើយក៏ក្ដៅ ជាងគេនោះ Threadripper ជំនាន់ទី 2 នឹងចេញលក់យ៉ាងយូរ បំផុតនាខែសីហា ខាងមុខ។

សម្រាប់ពេលនេះ AMD នៅមិនទាន់ប្រកាសឲ្យយើងបានដឹងអំពីតម្លៃឈីបកំពូល ផុតលេខរបស់ខ្លួន ឲ្យយើងដឹងនៅឡើយទេ តែជុំវិញរឿងនេះ AMD អាចនឹងប្រាប់ឲ្យយើង បានដឹងក្នុង ព្រឹត្តិការណ៍ E3 ឆ្នាំ 2018 ដែលនឹងមកដល់នា សប្ដាហ៍ក្រោយនេះ ជាមួយនឹងកម្មវិធី ដាច់ដោយឡែករបស់ AMD ផ្ទាល់ខ្លួនមួយ ជាពេលវេលាល្អសម្រាប់ AMD កំណត់តម្លៃទីផ្សារ របស់ខ្លួន។

 


***សូមចុចទីនេះ ដើម្បី Subscribe YouTube Channel របស់ ខេមបូរីផត ដើម្បីទទួលបាន វីដេអូថ្មីៗ!!!


ដោយ: Ti ថ្ងៃទី ០៧ ខែ មិថុនា ឆ្នាំ ២០១៨
ប្រភព: Anand Tech Tag: កុំព្យូទ័រ